Зарядка для ума

Сарсыардаттан саҕалаан мэйиибитин зарядкалатыаҕыҥ😊айылҕа көстүүлэригэр, окко-маска, үүнээйилэргэ сыһыаннаах таабырыннары таайыыга ыҥырабын!
тыллары таһаарыыга атын икки бөлөх дьонноро 4-түү эрэ тылы сатаабатылар. Бу "корона алдьаннаҕына" активистары, кыайыылаахтары бэлиэтиэхпит. Мин суруна сылдьабын, онон көхтөөхтүк кыттаргытыгар ыҥырабын.✊
1.Сүрэҕэ суох да таҥараһыт, үөрэҕэ суох да малыыппаһыт баар үһү.
2.Модьу, эмис эрээри, сымнаҕас баар үһү.
3.Убайа ыалдьыттыы кэллэҕинэ, балтыта саһан хаалар үһү.
4.Күн кыыһын күөх солко былаата көҕөрөн тахсар үһү.
5.Төрүөҕүттэн түөрт ааттаах кыыл баар үһү.
6.Сайын элэмэс саҕынньахтаах, кыһын сыгынньахтанар баар үһү.
7.Оттортон эрэ эрдэ тахсар, хагдарыйыан иннинэ хатан хаалар үһү.
8.Омук дьахтарын сонун тимэҕин кыайан аахпаттар үһү.
9.Илиилээх да үлэлээбэт үһү.
10.Саас үөрдэр, сайын сөрүүкэтэр, күһүн аһатар, кыһын сылытар баар үһү.
11.Үтүө киһи сылга биирдэ киэргэнэр дииллэр.
12.Саас үүнэн көҕөрөр, күһүн алтан дуйданар, тыалга-кууска суйданар.
13.Саҥата суох чуораанчыктар дьону кэрэхсэтэллэр.
14.Сылга үстэ таҥаһын уларыттар баар үһү.
15.Кыһыл көмүс харахтаахтар хонууга үүммүттэр, үп-үрүҥ кыламаннара тыалтан тэлимнииллэр.
16."Тугу
да умнубаппыт" диэччилэр бааллар эбит.
17."Хараҕа да суохтар миигин талан таптыыллар" диир баар эбит.
18.Ким да куттаабат эрээри, куттаммыттыы салыбырыы турар баар үһү.
19.Үйэтин тухары үҥэ-сүктэ турар баар үһү.
20.Халлааҥҥа таҥараттан көрдөһөн ытыһын тоһуйан турар баар үһү
21.Тыыннааҕын
тухары сытан сынньаммат баар үһү.
22.Кыһыннары сайыннары өҥүн уларыппат баар үһү.
23.Баай эрээри - биэрдэҕинэ иэстиирин эппэт да, төлөппөт да баар үһү.
24.Халлаантан сыа-арыы санньылыйбыт үһү.
25.Сир-халлаан икки ардыгар ойуун илгистэ сылдьар үһү.
26.Атаҕа суохпун эрээри сүүрэбин диир үһү.
27.Ойуурга ойуулаах сон сытар үһү.
28.Биир эмээхсин ытыы-ытыы баран иһэр үһү.
29.Саамай түргэнник сүүрэбин диир үһү.
30.Ардыгар бүтүннүү дьөлөҕөс буолбут тирии баар буолар үһү.